ക്ലിക്ക്ഡ് !!!

ഒരു പാട് നാള്‍ ദാഹിച്ചു (?) മോഹിച്ചു നടന്നു ഒടുവില്‍ ഏഴാം കടലിനക്കരെ നിന്നും ഒരു നിക്കോണ്‍ കുട്ടനെ വാങ്ങി (വാങ്ങിപ്പിച്ചു എന്നതാണ് സത്യം ) DSLR അല്ലാ .. ഒരു സാധാരണ "പോയിന്റ്‌ ആന്‍ഡ്‌ ഷൂട്ട്‌ " ക്യാമറ . ഒരു ബല്ല്യെ പോടോ ഗ്രാഫര്‍ ആവണം എന്നാരുന്നു ആഗ്രഹം .. നടന്നില്ല ..നടക്കില്ല എന്ന് പ്രത്യേകിച്ച് പറയണ്ട കാര്യമില്ലല്ലോ .

അങ്ങനെ ക്യാമറ ഒക്കെ കിട്ടി മൂന്നു നാല് പടം ഒക്കെ പിടിച്ചു നടക്കുവാരുന്നു . ഒരു അണ്ണാന്റെ പോട്ടം പിടിക്കുമ്പോ എന്റെ നിക്കോണ്‍ കുട്ടന്‍ ഒന്ന് ചുമച്ചു , കണ്ണുകള്‍ മിന്നി തിളങ്ങി ..പിന്നീട് കണ്ണടച്ച് .. വിളിച്ചിട്ടും വിളികേള്‍ക്കാത്ത ഉറക്കം . ഗ്ലുകോസ് കൊടുത്തു നോക്കി ( ചാര്‍ജ് ചെയ്തുന്നും പറയാം ) , ഇല്ല കുട്ടന്‍ ഉണര്നില്ല .. . ഒടുവില്‍ നിക് മോനെ എടുത്തോണ്ട് മെഡിക്കല്‍ കോളേജ് ഇല്‍ ചെന്ന് .അവിടുത്തെ ഡോക്ടര്‍ പരിശോധിച്ച് ഇങ്ങനെ പറഞ്ഞു .. " your camera is dead !! " കണ്ണി ചോരയില്ലാത്ത ഒരു പറച്ചില്‍ ആയി പോയി . . കാലമാടാ ... ! യാങ്കി നാട്ടിലെക്കയച്ചാലെ രക്ഷയുള്ളൂ പോലും . അവയവ മാറ്റ ശസ്ത്രക്രിയ നടത്തണമെന്ന് . ഒടുവില്‍ സായിപ്പിന്റെ തെറി കേള്‍ക്കാന്‍ വേണ്ടി പോയ സഹമുറിയന്റെ കയ്യില്‍ നിക്ക്‌ മോനെ കൊടുത്തു വിട്ടു . ചികിത്സ ഒക്കെ കഴിഞ്ഞു നിക്കോണ്‍ കാര്‍ അവനെ വിമാനത്തില്‍ "ഷിപ്‌" ചെയ്തു വിട്ടു . ഇന്നലെയാ വന്നത് ഡ്യൂട്ടി അടച്ചു അവനെ കൈപ്പറ്റി . അര്ദ്ധരാത്റി രാത്രി അല്ലേലും ഞാന്‍ ഇടയ്ക്കു കുട പിടിക്കും . അതിന്റെ ഭാഗമായി എടുത്ത സ്നാപ്‌ .

കക്ഷത്തില്‍ വെക്കുന്ന കോടാലി (അരവിന്ദന്‍ പ്രയോഗം ) :

സ്പെക്സ്‌ :
ഷട്ടര്‍ സ്പീഡ് : ആവശ്യത്തിനു
അപേര്‍ച്ചര്‍ : പാകത്തിന്
ഫൊകുല് ലെങ്ത് : നീളത്തില്‍ അരിഞ്ഞത് അര കപ്പ്‌ .